ჩემპიონმა წონა ვერ ჩააბარა - ოლივეირას 200 გრამის დასაკლებად 1 საათი აქვს
ფინიქსში UFC 274-ის წინ, აწონვის ცერემონია მიმდინარეობს. აღნიშნული ღონისძიების მთავარი მოვლენა სატიტულო ბრძოლაა, რომელშიც ერთმანეთს ჩარლზ ოლივეირა და ჯასტინ გეიჯი დაუპირისპირდებიან.
ამერიკელმა მებრძოლმა წონა დააფიქსირა და პრობლემები არ შექმნია - 70.3 კგ, მოქმედ ჩემპიონთან მიმართებით კი განსხვავებული ვითარება გვაქვს. აღსანიშნავია, რომ ოლივეირა აწონვის ცერემონიაზე მის დასრულებამდე 5 წუთით ადრე გამოცხადდა და წონა ვერ დააფიქსირა - 70.5 კგ.
Charles Oliveira looked surprised when his weight was read at 156 and then 155.5 pounds while weighing in for #UFC274
— MMAFighting.com (@MMAFighting) May 6, 2022
He will have an extra hour to make championship weight of 155 pounds. pic.twitter.com/13oQhfzM9b
გავრცელებული ინფორმაციით, UFC-ის წარმომადგენლებმა ოლივეირას დამატებით 1 საათი მისცეს, რათა ზედმეტი 200 გრამი დაიკლოს. თუ ბრაზილიელმა წონა მეორე ცდაზეც ვერ ჩააბარა, ბრძოლა გაიმართება, მაგრამ ოლივეირას ტიტულს ჩამოართმევენ.
შეგახსენებთ, რომ ოლივეირას წონასთან დაკავშირებით, პრობლემები სულ ჰქონდა. ბოლო პერიოდში, მან ვითარება გამოასწორა, მაგრამ როგორც ჩანს, ძველმა პრობლემებმა თავი ისევ იჩინა. გეტყვით იმასაც, რომ როუზ ნამაიუნასმა და კარლა ესპარზამ წონა დააფიქსირეს და მათი ჩხუბი ოფიციალურად ჩაინიშნა.
