პეტი: გუარდიოლა წყობიდან იყო გამოსული, მაჰრეზს და ფოდენს უყვირა

1998 წლის მსოფლიო ჩემპიონი და ამჟამად საფეხბურთო ანალიტიკოსი ემანუელ პეტი პეპ გუარდიოლას აკრიტიკებს „რეალთან“ მარცხის მიზეზებზე საუბრობს.

„გუარდიოლა წყობიდან იყო გამოსული, მან უყვირა მაჰრეზს და ფოდენს. მისი ამოცანაა მოთამაშეებს თამაშზე კონცენტრირების საშუალება მისცეს. ის მთელი მატჩი გაბრაზებული იყო, ეს სიგიჟეა. ჩვენ ისიც კი დავინახეთ, რომ თანაშემწეები ზოგჯერ უბრალოდ არ პასუხობდნენ მის სიტყვებს. ის ძალიან აღელვებული იყო, რადგან თამაშის უმეტესი ნაწილი მისი გუნდი იგებდა. მანჩესტერ სიტის არაფერი მოუგონია და სიტუაციას აკონტროლებდა.

იურგენ კლოპის საქციელთან კონტრასტი შეგიძლიათ ნახოთ ვილიარეალი - ლივერპულის თამაშის დროს. მაშინაც კი, როცა მისი გუნდი 0-2-ს აგებდა, ის საკუთარ თავს აკონტროლებდა. იგივე ეხება კარლო ანჩელოტის მანჩესტერ სიტის წინააღმდეგ. ამ მწვრთნელში უზარმაზარი ადამიანური ძალაა. მასში ხელოვნური და გამოგონებული არაფერია.

მე დიდ პატივს ვცემ გუარდიოლას და იმას, რაც მან გააკეთა. მაგრამ თუ მას ძალიან დიდი ყურადღება სურს და ასევე უნდა გენიოსად ითვლებოდეს... თუ ხვალ იგივე შედეგს აჩვენებს ჩვეულებრივ გუნდთან, რომელსაც სამი მილიარდი ბიუჯეტი არ აქვს, მაშინ ვეტყვი, რომ ის საუკეთესო მწვრთნელია მსოფლიოში. ახლა ეს ასე არ არის. შედეგი დაუნდობელია. მას 11 წელია არ მოუგია ჩემპიონთა ლიგა - მას შემდეგ, რაც ლიონელ მესი მის გუნდში აღარ არის.

ევროპულ ტურნირებზე ჩვენ ვხედავთ, რომ გუარდიოლას სათამაშო პრინციპებს გარკვეული შეზღუდვები აქვს.

პრობლემა არ არის კარგი თამაში ან ფულის ქონა, ეს ფსიქოლოგიურია. ნახეთ, როგორ ვარდებიან ისინი ჩემპიონთა ლიგიდან ყოველ ჯერზე. გუარდიოლა ამ ყველაფრის წამალს ვერ პოულობს.

ის იმდენად არის შეპყრობილი თავისი თამაშის პრინციპებით, რომ ავიწყდება მოედანზე მოთამაშეების თავისუფლებაც მნიშვნელოვანია. მას სურს, რომ ხალხმა თქვას, რომ ის შესანიშნავია. და პეპი შესანიშნავია, მაგრამ თქვენ უნდა მისცეთ მოთამაშეებს თავისუფლება და გუარდიოლას არ შეუძლია ამის გაკეთება",

- თქვა პეტიმ.