მორენტმა მემფისს მოაგებინა - 18 ქულა მეოთხე მეოთხედში და გეიმ ვინერი
„მემფის გრიზლისი“ „მინესოტა ტიმბერვულვზთან“ სერიაში დაწინაურდა - 3:2. გამთენიისას გამართული მე-5 შეხვედრა უაღრესად დაძაბული და საინტერესო გამოდგა. „მინესოტა“ მთელი მატჩის განმავლობაში წინ იყო, მაგრამ გადამწყვეტ მომენტებში მოწოდების სიმაღლეზე ვერ გახლდათ და 109:111 დამარცხდა.
???? OH MY JA!!#NBAPlayoffs presented by Google Pixel on TNT pic.twitter.com/gR6IBaFsAw
— NBA (@NBA) April 27, 2022
„ტიმბერვულვზი“ მეოთხე მეოთხედს 11-ქულიანი უპირატესობით შეხვდა და მიზანთან ახლოსაც იყო, მაგრამ „მემფისის“ ლიდერს, ჯა მორენტს ვერაფერი მოუხერხა. ამ უკანასკნელმა ბოლო თორმეტწუთეულში 18 ქულა ჩააგდო და საფინალო სირენამდე 1 წამით ადრე, საკუთარი გუნდი 2 ქულით დააწინაურა.
ANTHONY EDWARDS TIES IT UP!@Timberwolves 109 | @memgrizz 109
— NBA (@NBA) April 27, 2022
3.7 remaining in Q4 pic.twitter.com/6EGbs6L1PE
JA WINS GAME 5 FOR THE @MEMGRIZZ! pic.twitter.com/FsvishWyen
— NBA (@NBA) April 27, 2022
მორენტს შესანიშნავი მატჩი ჰქონდა და სამმაგ დუბლამდე ერთი შედეგიანი გადაცემა დააკლდა - 30 ქულა, 13 მოხსნა, 9 ასისტი. ჯას გარდა, აუცილებელია, ბრენდონ კლარკის ბრწყინვალე თამაში გამოვყოთ. „ბისიმ“ პარკეტზე 36 წუთი გაატარა და აქტივში 21 ქულა, 15 მოხსნა და 3 შედეგიანი გადაცემა ჩაიწერა, დესმონდ ბეინს კი 25 ქულა ჰქონდა. „მინესოტას“ 28 ქულითა და 12 მოხსნით კარლ-ენტონი თაუნსმა ულიდერა. ენტონი ედვარდსმა 22 ქულა ჩააგდო, დიანჯელო რასელი კი 12 ქულას დასჯერდა.
ამრიგად, „მემფისს“ მომდევნო ეტაპის საგზურის მოსაპოვებლად ერთი გამარჯვებაღა აკლია. „გრიზლისი“ მომდევნო შეხვედრას სტუმრად გამართავს და „მინესოტას“ 30 აპრილს დაუპირისპირდება.
