„ბოლო რამდენიმე დღე ძალიან რთული იყო“ - გრინვუდის მეგობარი გოგონას განცხადება
მეისონ გრინვუდის მეგობარმა გოგონამ, ჰარიეტ რობსონმა განცხადება გაავრცელა. რობსონმა „ინსტაგრამის“ საკუთარ გვერდზე პოსტი გამოაქვეყნა და აღნიშნა, რომ ბოლო რამდენიმე დღე ძალიან რთული იყო.
„მადლობელი ვარ ყველასი, ვინც მხარდამჭერი და გამამხნევებელი წერილები გამომიგზავნა. დიდი მადლობა! ბოლო რამდენიმე დღე ძალიან რთული იყო და გადავწყვიტე, გამოძიების მიმდინარეობისას სოციალური ქსელებისგან პაუზა ავიღო.“
View this post on Instagram
შეგახსენებთ, რომ გუშინ, ინგლისელი შემტევი გირაოს სანაცვლოდ გაათავისუფლეს და ამჟამად, იგი ჩეშაირში მდებარე სასახლეში იმყოფება. გრინვუდს გაუპატიურებასა და ფიზიკურ ძალადობაში ადანაშაულებდნენ, მოგვიანებით კი ბრალდებებს სექსუალური ძალადობა და სიცოცხლის მოსპობის შემცველი მუქარების განხორციელება დაემატა.
ცნობისთვის, გირაოთი გათავისუფლების მიუხედავად, გრინვუდი გუნდთან ერთად ვერ ივარჯიშებს. დღეს, „მანჩესტერმა“ კამპანია წამოიწყო და ქომაგებს, რომლებმაც გრინვუდის მაისური შეიძინეს, მისი სხვა ფეხბურთელის მაისურში, სრულიად უსასყიდლოდ გადაცვლა შესთავაზა.
