გოგას 7 წუთი და 2 ქულა - ინდიანა მაიამისთან განადგურდა
გოგა ბითაძის „ინდიანა პეისერსმა“ მიმდინარე სეზონში მე-13 შეხვედრა წააგო. ქართველი კალათბურთელის გუნდი ამჯერად აღმოსავლეთ კონფერენციის ერთ-ერთ ფავორიტს, „მაიამი ჰიტს“ დაუპირისპირდა 96-125 განადგურდა.
„მაიამი“ უპირატესობას მთელი შეხვედრის განმავლობაში ფლობდა. ფლორიდელებმა პირველი მეოთხედი 12 ქულით მოიგეს, ხოლო დიდ შესვენებაზე 23-ქულიანი ფორით გავიდნენ და სასურველი ანგარიშის დაფიქსირება არ გასჭირვებიათ.
Tyler returned to the court on a mission ????
— Miami HEAT (@MiamiHEAT) December 22, 2021
26 points and five 3s in 21 minutes, along with 5 assists pic.twitter.com/OER62DC2Yt
გოგა ბითაძე მატჩში სათადარიგოთა სკამიდან ჩაერთო და პარკეტზე 7 წუთი 16 წამი გაატარა. ამ დროში, ქართველმა კალათბურთელმა მხოლოდ 2 ქულის დაგროვება მოახერხა. გოგამ 2 სამქულიანი გააცუდა და ერთი 2-ქულიანი ჩააგდო.
„ინდიანას“ რიგებში ყველაზე მეტი, 17-17 ქულა დუარტემ და ლევერტმა დააგროვეს, ხოლო ბრისეტი და საბონისი 12-12 ქულით გამოირჩნენ. „მაიამის“ 26-26 ქულით დანკან რობინსონმა და ტაილერ ჰირომ ულიდერეს, მაქს სტრუსს კი 18 ქულა ჰქონდა.
ამრიგად, „ინდიანას“ 13 მოგება და 19 წაგება აქვს და აღმოსავლეთ კონფერენციაში მე-13 პოზიციას იკავებს. „პეისერსს“ მომდევნო შეხვედრა 24 დეკემბერს ელის და „ჰიუსტონ როქეთსს“ გაეჯიბრება.
