აშშ-ში ფეხბურთმა პოპულარობით ჰოკეის გადაასწრო და მე-4 ადგილზეა

აშშ-ში ბოლო წლების სტატისტიკის თანახმად, ფეხბურთის პოპულარობა საგრძნობლად გაიზარდა, რაც წლების წინ ბევრისთვის წარმოუდგენელიც იყო.

Daily Mail-ის ცნობით, აშშ-ში ფეხბურთმა პოპულარობით ჰოკეის გადაასწრო, რის შემდეგაც ამერიკული ფეხბურთის, კალათბურთისა და ბეისბოლის შემდეგ, მე-4 ყველაზე პოპულარულ სპორტის სახეობად იქცა.

Daily Mail-ის ცნობით, ქვეყანაში ფეხბურთის მზარდი პოპულარობა აისახება პრემიერ ლიგასა და ამერიკულ მაუწყებელ NBC-ს შორის 2 მილიარდი ფუნტის (2,65 მილიარდი დოლარი) ღირებულების გარიგების შედეგად.

გარდა ამისა, 2026 წლის მსოფლიო ჩემპიონატი, რომელიც ჩატარდება შეერთებულ შტატებში, კანადასა და მექსიკაში, ასევე შეუძლია ხელი შეუწყოს რეგიონის მაცხოვრებლების ფეხბურთისადმი ინტერესის გაზრდას.

„ფეხბურთი დღეს მეოთხე ყველაზე პოპულარული სპორტია შეერთებულ შტატებში. ფეხბურთი ჰოკეის წინ უსწრებს და მისი პოპულარობა იზრდება. ეს არის ერთ-ერთი მიზეზი იმისა, თუ რატომ იხდის NBC ამდენს კონტრაქტში”, - თქვა სპორტული მედიის სპეციალისტმა პიერ მაესმა.

Ampere Analysis-ის მიერ ნოემბერში ჩატარებულმა კვლევამ აჩვენა, რომ ამერიკელი სპორტის მოყვარულთა 49% უყურებს ფეხბურთს ტელევიზორში. ყინულის ჰოკეის კი 37%-ს.

გარდა ამისა, ამერიკელი გულშემატკივრების წილი, რომლებიც აქტიურად უყურებენ ინგლისის პრემიერ ლიგას, ეს მაჩვენებელი ბოლო 2 წლის განმავლობაში გაიზარდა 12%-დან 15%-მდე. 6%-დან 9%-მდე კი გულშემატკივრების რაოდენობა გაიზარდა.