ვილი სანიოლი: ,,ხვიჩამ თავად გვანიშნა, რომ შეგვეცვალა"
2022 წლის მსოფლიო ჩემპიონატის საკვალიფიკაციო ეტაპის ბოლო შეხვედრა საქართველოს ეროვნული ნაკრებმა შვედეთის წინააღმდეგ, ბათუმის სტადიონზე გამართა და გაიმარჯვა (2-0).
დუბლი ხვიჩა კვარაცხელიას ანგარიშზეა, რომელმაც ჩვენი ნაკრების სხვა წევრების მსგავსად, გამორჩეული მატჩი ჩაატარა.
ხვიჩა 81-ე წუთზე შეცვალეს. მის მაგივრად მოედანზე ვაკო ყაზაიშვილი გამოჩნდა.
გულშემატკივარში გაჩნდა კითხვა, თუ რატომ დატოვა მოედანი საქართველოს ეროვნული ნაკრების ტალანტმა, რაზეც მთავარმა მწვრთნელმა, ვილი სანიოლმა ისაუბრა:
შევამჩნიეთ, რომ ხვიჩა იღლებოდა, მან თავადაც გვანიშნა, რომ თამაში აღარ შეეძლო. ეს კი კარგია, რადგან ნიშნავს, რომ ის მოედანზე ბოლომდე დაიხარჯა.
შეხვედრის დასრულების შემდეგ ცნობილმა ესპანურმა გაზეთმა, Marca -მ სტატია დაწერა - საქართველოს გმირი, რომელიც „რეალზე“ ოცნებობს.
