ეპიდაფეთქება ბეისბოლის გუნდში - მაიამი მარლინსში Covid-19 17 ადამიანს დაუდგინდა
MLB-ის გუნდი, „მაიამი მარლინსი“ კორონავირუსს ებრძვის. ESPN-ის ინფორმაციით, ტესტირების მორიგი რაუნდის შედეგად Covid-19 გუნდის კიდევ 4 წევრს დაუდგინდა, რის შემდეგაც ინფიცირებულთა რაოდენობამ 17-ს მიაღწია.
გუშინ დაიწერა, რომ კორონავირუსი 11 მოთამაშესა და 2 მწვრთნელს აღმოაჩნდათ. ზემოთ ხსენებული ოთხეულის შესახებ კი, ჯერჯერობით არაფერია ცნობილი.
„მაიამი მარლინსის“ ერთ-ერთი მომდევნო მეტოქე „ვაშინგტონ ნეიშენალსია“, რომელთანაც ფლორიდელებმა 3 შეხვედრა უნდა გამართონ. „ვაშინგტონის“ მოთამაშეები მაიამიში გამგზავრებაზე და მატჩების ჩატარებაზე უარი განაცხადეს, თუმცა საბოლოო გადაწყვეტილებას MLB მიიღებს.
AP source: 4 more Marlins test positive for coronavirus https://t.co/3j4PR7gWxn pic.twitter.com/ubcBE6ISfL
— Emery Glover (@EmeryGlover17) July 28, 2020
ცნობისთვის, კორონავირუსის გამო „მაიამის“ მონაწილეობით ერთი სერია უკვე გადაიდო. „მარლინსს“ „ბალტიმორ ორიოლსის“ წინააღმდეგ უნდა ეთამაშა, მაგრამ საქმეში MLB ჩაერია და მატჩები გადაიდო.
