ფეხბურთი სირიაში - გულშემატკივრები საყვარელ გუნდებს შენობების სახურავებიდან ქომაგობენ
ფეხბურთის სირიელმა გულშემატკივრებმა თავიანთი საყვარელი გუნდის მხარდასაჭერად ახალ გზას მიაგნეს. კორონავირუსის პანდემიის გამო საფეხბურთო სეზონი სირიაშიც შეწყდა და იძულებითი პაუზის შემდეგ, ფეხბურთელები მოედანს მაისში დაუბრუნდნენ.
მატჩები დახურულ კარს მიღმა იმართება, თუმცა სირიელი ქომაგებისთვის ეს დიდ პრობლემას არ წარმოადგენს. ისინი სტადიონთან მდებარე შენობების სახურავებზე იკრიბებიან, საიდანაც მოედანი კარგად ჩანს და საყვარელ გუნდებს ამხნევებენ.
#Football fans cheer from #Aleppo rooftops as #Syria's Premier League continues behind closed doors pic.twitter.com/RaMNuZvILP
— Ruptly (@Ruptly) June 9, 2020
გულშემატკივრები დისტანციას არ იცავენ, დროშებს აფრიალებენ, მღერიან და კორონავირუსის პანდემიის მიუხედავად, ფეხბურთით ტკბებიან.
შეგახსენებთ, რომ სირიაში არსებული მძიმე მდგომარეობის მიუხედავად, Covid-19-ით 144 ადამიანი დაინფიცირდა და მათგან მხოლოდ 6 გარდაიცვალა.
