პირველად 1965 წლის შემდეგ - „გრიკ ფრიკი" ჩემბერლენს გაუთანაბრდა
„მილუოკი ბაქსის“ სუპერვარსკვლავმა, იანის ანტეტოკოუნმპომ „ფილადელფიასთან“ მატჩში გაიბრწყინა და მორიგი მიღწევა გაიფორმა.
„გრიკ ფრიკმა“ „სევენთი სიქსერსის“ წინააღმდეგ 36 ქულა, 20 მოხსნა, 6 შედეგიანი გადაცემა და 1 ჩაჭრა მიითვალა. ანტეტოკოუნმპო 1974 წლის 22 მარტის შემდეგ, „ბაქსის“ მაისურით მოასპარეზე პირველი კალათბურთელი გახდა, რომელმაც მატჩი სულ მცირე 35 ქულით, 20 მოხსნითა და 5 ასისტით დაასრულა.
The best from The Greek Freak:
— Milwaukee Bucks (@Bucks) February 7, 2020
36 PTS | 20 REB | 6 AST | 1 STL | 52% FG pic.twitter.com/HiJJ38gONb
გარდა ამისა, იანისი უილტ ჩემბერლენის შემდეგ პირველი კალათბურთელია, რომელმაც მინიმუმ 30 ქულა, 15 მოხსნა და 5 შედეგიანი გადაცემა ზედიზედ 5 შეხვედრაში დააგროვა. ლეგენდარულმა ჩემბერლენმა ეს შედეგი 1965 წელს დააფიქსირა.
„მილუოკისა“ და „ფილადელფიას“ დაპირისპირებას რაც შეეხება, „გრიკ ფრიკის“ გუნდმა დამაჯერებლად, 112-101 მოიგო და მიმდინარე რეგულარულში 44-ე გამარჯვება მოიპოვა.
„ბაქსი“ აღმოსავლეთ კონფერენციის ლიდერია და ლარი ობრაიენის სახელობის თასის დასაკუთრების ერთ-ერთ მთავარ ფავორიტად ითვლება.
