მამის კვალდაკვალ! - ჰოლიფილდის ვაჟი უკვე პროფესიონალურ კრივშია!
ლეგენდარული ამერიკელი მოკრივის, ევანდერ ჰოლიფილდის ვაჟმა, 21 წლის ევან ჰოლიფილდმა, კრივის მთავარი ღონისძიებების ჩამტარებელ ორგანიზაციასთან კონტრაქტი გააფორმა.
სამოყვარული დონეზე გამართული 80-ზე მეტი ორთაბრძოლის შემდეგ უმცროს ჰოლიფილდს უკვე მამის კვალზე ვიხილავთ და რინგზე მსოფლიო დონის მოკრივეების წინააღმდეგ დადგება.
ევან ჰოლიფილდის მწვრთნელი ყოფილი მოკრივე მორის უოტკინსია, ახალბედა სპორტსმენმა სპორტული განათლება ჰიუსტონში მიიღო, სადაც წლების განმავლობაში ვარჯიშობდა.
ევანის ლეგენდარული მამა 56 წლისაა, მას პროფესიონალურ კარიერაში გამართული 57 ორთაბრძოლიდან 44 მოგებული აქვს. ჰოლიფილდი 1984 წლის ოლიმპიადის ოქროს მედალოსანი და კრივის დიდების დარბაზის წევრია.
