გია გიორგაძე ჭადრაკს 4 წლის ვადით უხელმძღვანელებს
თბილისის ჭადრაკის სასახლეში საქართველოს ჭადრაკის ფედერაციის საარჩევნო ყრილობა გაიმართა.
ყრილობას 67 დელეგატი ესწრებოდა , რომლებმაც ფედერაციის გაწეული მუშაობის ანგარიში მოისმინეს და წესდებაში ცვლილებების შეტანა დაამტკიცეს.
ასევე ყრილობის დროს ჭადრაკის ფედერაციის პრეზიდენტის არჩევნები გაიმართა.
მოქმედი პრეზიდენტი გია გიორგაძე პრეზიდენტობის ერთადერთი კანდიდატი გახლდათ , რომელიც დელეგატებმა ერთხმად აირჩიეს.
აღსანიშნავია, რომ გია გიორგაძე ფედერაციის პრეზიდენტად მეოთხე ვადით აირჩიეს.
ასევე ყრილობაზე დაამტკიცეს ვიცე-პრეზიდენტები: აკაკი იაშვილი (მსოფლიო საჭადრაკო ორგანიზაციის ‘ფიდე’-ს ვიცე-პრეზიდენტი), ვალერი გაფრინდაშვილი და ზურაბ მიქაძე, ხოლო გენერალური მდივანი სოფიო გვეტაძე იქნება.
