ისტორიაში პირველად - ''საბურთალო'' საქართველოს ჩემპიონია!

საქართველოს საფეხბურთო ჩემპიონატის, ეროვნული ლიგის 2018 წლის სეზონის გამარჯვებული ''საბურთალოა.'' გიორგი ჭიაბრიშვილის გუნდმა ჩემპიონობა გათამაშების დასრულებამდე 3 ტურით ადრე გაინაღდა. თბილისურ დერბიში ''საბურთალომ'' საქართველოს ყველაზე ტიტულოვანი კლუბი, უშუალო კონკურენტი ''დინამო'' 2:1 დაამარცხა.

1999 წლის 20 აგვისტოს დაარსებულმა კლუბმა ''დინამოსთან'' მატჩში ანგარიშის შემოტრიალება მოახერხა და ზივზივაძის ერთადერთ გოლს ორი გოლი უპასუხა. ''საბურთალო'' საქართველოს ჩემპიონი პირველად გახდა.

''საბურთალოს'' ჩემპიონობაში უდიდესი წვლილი მთავარმა მწვრთნელმა გიორგი ჭიაბრიშვილმა შეიტანა

მატჩს ''საბურთალოს'' ფეხბურთელი გიორგი ხარაიშვილი ესწრებოდა, რომელმაც გასული სეზონი განათხოვრებით შვედურ ''გიოტებორგში'' გაატარა

33 ტურში ''საბურთალომ'' 71 ქულა მოაგროვა და ''დინამოს'' 11 ქულით გაასწრო. ზაურ სვანაძის ფეხბურთელები 11-ქულიან ჩამორჩენას ვერ აღმოფხვრიან. მეორეადგილოსან ''დინამოს'' ქუთაისის ''ტორპედო'' მხოლოდ 1 ქულით ჩამორჩება. ასე რომ დარჩენილ სამ ტურში ''დინამო'' და ''ტორპედო'' მეორე ადგილისთვის იბრძოლებენ.

გამარჯვების შემდეგ ''საბურთალოს'' ფეხბურთელები გასახდელში

''მიხეილ მესხზე'' მე-14 წუთზე ნომინალური სტუმრები დაწინაურდნენ. ივანისენია-რუხაია-ზივზივაძის კომბინაცია გოლით დასრულდა.

Saburtalo - Dinamo Tbilisi 2:1

Goal: 0:1 Zivzivadze (14) pic.twitter.com/0bnY8hUrMo
— Dima Shariqadze (@shariqadzedima) November 26, 2018

მე-20 წუთზე გიორგი კოხრეიძემ ზუსტად შესრულებული თერთმეტმეტრიანით ანგარიში გაათანაბრა. პენალტი ვაგნერ გონსალვეშმა გამოიმუშავა, რომელიც საჯარიმოში ლოჩოშვილმა თამაშის წესის დარღვევით წააქცია.